Eru ekki allir í stuði!

8.11.2008 | 12:10

Sorglegt en fróðlegt

Það var fróðlegt að aka seinni tvo daganna,á ekki svo ódýra bílaleigubílnum,ekið var fyrir austan Jericho (fara í Dauðahafið seinna) í Norður og upp allan Vestur Bakkan með landamæri Jordaníu á hægri hönd.

Það er mikil ávaxta og grænmetisrækt á þessum slóðum en það sem kom verulega á óvart var hve mikið er af Ísraelsmönnum(landtökumönnum sem búa þarna,þeir eru með stór landsvæði þarna upp að Aðskilnaðarmúrnum, flest þorpin/bæirnir þarna flagga Ísraelska fánanum.Svona er maður grænn maður hélt að Vestur Bakkin væri að mestu laus við Ísraelsmenn en svo var aldeilis ekki.Ég held að Palestínumenn hafi minnst landsvæði á Vestur Bakkanum, byggðin var frekar þétt og það vakti einnig furðu að sjá í þorpum og bæjum var verið að byggja á fullu en mörg húsin stóðu auð og greinilega ónotuð því það var ekki einu sinni búið að glerja.
Þegar farið var að forvitnast um þetta þá kom í ljós að þetta er ein af aðferðum Ísraelsmanna að leggja undir sig svæðið,þetta verður eins og krabbamein,það koma fleirri í kjölfarið.
Það er auðvelt að átta sig á hvenær maður er á landsvæði sem ísraelsmenn hafa lagt undir sig,þar er vegunum vel við haldið,þeir eru breiðir og þeir eru ólatir að flagga sínum fána við veginn að ég tali ekki um ljósastikur og þeir bæjir sem keyrt er í gegn um eru frekar vestrænir útlits.

Er komið var í gegnum öryggishliðið efst á Vestur Bakkanum var ekið upp með Galíleuvatni og austur upp í Golanhæðir svo var ekið i vestur í átt að Miðjarðarhafi (Tel Aviv) og ca.20 km. frá ströndinni í Norðaustur (Nablus) til að komast aftur á Vestur Bakkan,áætluninn var að komast til Nablus.

Áð var um nóttina í Ísraelskum bæ Karmi'el það var ekkert annað að gera,myrkur að skella á,en maður var ekki sáttur þó gistinginn væri í sjálfu sér ágæt þá var þetta ekki draumastaðan.

Svo var haldið af stað í bítið og stefnann að komast sem fyrst á aftur inn fyrir MÚRINN.

Ég hélt að ég væri hólpinn er ég kom að öryggishliði yfir á Vestur Bakkan,en nei það var bara fyrir Palestínumenn og þeir máttu bara ganga þar í gegn ekki aka,svo það þurfti að aka í Austur í átt að Jórdaníu og inn um sama hlið og er farið var um af Vestur Bakkanum.
Þá reynslunni ríkari var stefnan tekinn í Vestur og reyna að komast frá þessum Ísraelsmönnum sem voru allstaðar!!!

Á leiðinni að öryggishliðinnu var okkur veifað af Ísraelskum hermanni við þorðum ekki annað en að stoppa,hvað í helv. vill hann þessi hugsaði maður,hálfhræddur að Ísraelska leyniþjónustan væri búinn að fatta að við værum ekki alveg með þeirra málstað.En þá var þetta eitt af þessum börnum á leið í herstöðinna sína og vantaði far!Við nátturulega aumkuðum okkur yfir hann (þorðum ekki að annað) og vonuðum við myndum losna fljótt við hann,en svo þegar við fórum yfir kortið okkar þá vorum við akkurat að fara frammhjá stöðinni hans þannig hann fékk far alla leið.Hann var nú voða þægur og kurteis og fannst frábært að heima hjá okkur væri engin Her og þá nátturulega ekki stríð,fórum ekki út í að útskýra þorskastríðið fyrir honum,þó maður hafi fengið smá kipp að útskýra að við gætum sko alveg varið okkur.

Ekki var farið til Nablus,það var orðið soldið úrleiðis en það var samt ekið um sveitavegina og það var mjög gaman þarna fannstu að þú varst í Palestínu,andslagið var fallegra,fólkið mun vingjarnlegra á að líta og andinn allt annar og léttari.
Það kom mér á óvart hvað þetta snerti mig mikið,þetta var svo augljós yfirgangur hjá Ísraelsmönnum að það hlýtur að snerta hvern þann sem upplifir þetta ástand,það er ekki það sama og horfa á fréttir heima í stofu.Þó sá maður í raun ekkert misjafnt nema misréttið sem blasir allstaðar við.

Misréttið getur t.d. birst í því að fá ekki ljósastaura eða betri vegi.

Frændur eru frændum verstir,stjórnmálamenn í Palestínu frekar spilltir svo ekki lagar það ástandið að þeir ota sínum tota og sínum ættingjum í Ráðuneyti og Nefndir svo oft verður lítið úr verki í því sem þarf að gera til að bæta líf fólksins.

Þakka fyrir innlitin og kvittið.

Flokkur: Bloggar | Breytt s.d. kl. 12:11 | Facebook